Mac haul 2015 - مشترياتي من ماك ٢٠١٥

مسا الخير بنات كيفكم  

متحمسه لمشتريات ماك  ارجو مشاركة المدونة للآفادة الغير   .. نبدآ بسم الله  

كريم اساس ستديو فِكس  + بودرة ستديو فِكس:

  

مجربه الفاونديشن من قبل بدرجة اغمق قوامة سائل تغطيته متوسطه الى عاليه  واحسها بنسبة بسيطه رطبه مش مات فينيش اخذتها بدرجة nc 44  اعجبتني مرا وناسب نوعية بشرتي عندي التيزون  و يناسب البشرة الدهنية و المختلطه ،  و البودرة من نفس نوع الفاونديشن اعتمدت اخذ البودرة افتح من الفاونديشين بدرجة لو حبيت افتح الفاونديشن شوي او عشان اوزن بينهم ،  الفينيش للبودرة مات مطفي 👌 الكريم اساس و البودرة نفس السعر ١٧٤ريال  

-ملاحظة على الكريم اساس : 

لمن تشترينه الغطاء حقه بيكون ينفر ويستهلك لو بتوزعينة بسبونج او فرشة و آكيد بيخلص بسرعه ،  ف لازم تاخذين الضغاطه عشان تتحكمين با الكمية اللي تبينها طبعاً اخذتها بعد يومين من استخدامي للكريم آساس الانه مزعج احيان يكون متجمد ولا ينزل بسرعه او ينكب زيادة عن حاجتي سعره  ٥٥ ريال   

خافي عيوب سيلكت كفر آب: 

عملي وينفع الاستخدام اليومي ،  الفينش مات طبيعي، مميزاته تقدرين بعد او قبل الفاونديشن تطبقينه تحت عيونك يعطيك نفس النتيجه ، احب اثبته با اللوس بودر لآكثر ثبات سعره ١٢٣ريال 

برو كونسيلر + كوركت باليت : 

 

اخيرا توفر الباليت جتني سعادة م تنوصف ، ولا مكتوب اطلبه اونلاين .. الباليت فضيع للكنتور ويشمل الكوركتر و الهايلات  يوفر عليك انك تشترين باليت كنتور و كركت و كونسيلر لحاله هذا الحلو فيه ، قوامة كريمي سهل الدمج خصوصاً مع السبونج او "البيوتي بليندر" توقعت بيكون متكتل نفس كونسيلر سكين فينيش ومرا ترددت لكن تبين لي العكس تماماً  ويعطيك نتيجة احلى وخالية من العيوب مررا حبيت المنتج  لازم تجربونه اخذت درجة Dark  ويناسب تستخدمينه مع بيوتي بليندر لدمج نظيف ونتيجه احلى خذته الانه يجمع كل شيء وعليه مدح كثير  سعره ب ٢٣٧ ريال 

مينيريلايز سكين فينش " جلوبل جلو" :

م لقيت اضاءة "سوفت اند جنتل" كانت مخلصه  وحسيت Glowbel glow قريب مررررا له ، لونه هادي ويناسب كثير الديوي لوك الانه مايل للبرونز  لكن يضل نفس نتيجة و سطوع  "سوفت اند جنتل" لكن بطريقه انعم  .. سعره ١٦٧ ريال 

محدد شفايف " سور و سبايس" :

محدد "سبايس" غني عن التعريف حبيب الكل و اشتهر اكثر لآستخدام  كايلي جينير لمحدد سبايس مخصوص لتحديد الشفايف لشكل وحجم اكبر ،  كل المحددين مات اذا بتستخدمينه على كامل شفايفك لازم ترطيب عميق وسكراب خفيف  ، حبيت محدد "سور" اكثر لونه وردي خشبي ،  وكلهم احب استخدمهم مع روج لونه فاتح  من نص الشفايف بعد م احدد  واحيان فوقه قلوس لو ابغى اللوك كريمي مش متذكرة سعر المحدد لكن بحطه لكم بتويتر او الانستقرام . 

" ديڤا" ليب ستيك" : 

اللي حبيته فيه اللون مات وبين العنابي و البني ها الالوان تأسرني ، صحيح اني افضل الشفايف بلون طبيعي ومطفي لكن درجة اللون اعجبتني قريب من دم الغزال و الحلو فيه وبأي موسم احسه مطلوب بس الاكثر يناسب موسم الشتاء اكيد سعره ١٠٨ريال 

" برو بيرفورمنس " سبونج : 

 جربتها بدون م ابللها دمجها ممتاز للسائل و الكريمي يعني للفاونديشن  و الكونسيلر يعطيك لوك نظيف و مدموج صح ،  تساعدك تدمجي الفاونديشين  و الكونسيلر بطريقة الطبطبه كامل الوجه و تشكيلة السبونج تساعدك توصلي لزاوية العين  و عمليه ، مراا حبيتها وكانت اخر سبونج من حظي اخذتها  سعره  ١٠٢ ريال

جينتلي اوف ايز+ليب ميك اب ريموڤر :

 

منتج يشمل ترطيب وديب كلين مميزاته يزيل المكياج  ضد الماء , تقدرين تنظفين عينك فيه اذا لابسة العدسات اللاصقه ريحتة جميلة الان فيه ماء ورد و مهم ترجين العلبه قبل الاستخدام ، عشان يندمج الماء مع الزيت مدحوا لي اياه ككثير وتحمست اخذه كنت ابغى مزيل مكياج متخصص للعين ، و العين عندي مهمه اكثر من الوجه ابغى شيء متخصص يزيل المسكرا و الكحل جد العين معاناه بنسبه لي ، و مرا فادني سعره ب ١٠٧ ريال 

اتمنى كان بوست خفيف و ارجو التعليق لو في 

ملاحظة او مراسلتي ع الايميل

 

Deema.work@gmail.com