مشترياتي لشهر آبريل من آمازون ❤.. My purchases from the Amazon









السلام عليكم لي فترة عن التدوين أدري ومقصرا 
دائماً اعذاري جاهزه أدري عن نفسي ههههه لكن  الريفيو صغير على قد الاغراض اللي طلبتها اونلاين ولسى بعد م أكتملت الشحنه الجايه تكتمل الاغراض ان شاءالله وراح ازيد عليهم كم غرض




نوعت ها المرا من فرش واي شادو وفاونديشين بتكلم اول عن الفاونديشين الاول اللي أشتهر مرا وكل اليوتيوبر يمدحون فيه وللأسف م لقيته هنا يبيعونه با السوق مع انه من الدارق ستور واللي عجبني فيه زيادة انه مات ومطفي وينفع كثيررر للبشرة الدهنية أنصحكم فيه ..  اللي هو ريميل stay matt 







Rimmel "stay matte" foundation ..


اولاً شكل العلبة جميل وعملي تقدري تحطيه با الشنطه وعجبني اللون الموف او البنفسجي با العلبه بس اللي زعلني ان حجمها صغير يعني بيخلص علي بسرعا ، اما قوامه متماسك لو وزعتيه يندمج مع بشرتك على طول واحساسه زي البودرا حتى لمن طلعت لأختي تقولي كأنك بس حاطه بودرا بس يعطيك فل كفر واللي بشرتها رطبه او دهنيه راح ينفع لها اكيد أنا اوزعه با الفرشه حقت سيقما راح اتكلم عنها بعد شوي .. وأحلى بعد لو وزعتيه با البيوتي بليندينق واذا حابه تعرفي عنه اكثر و أذا يناسبك او لاء شوفي مقاطع على اليوتيوب راح تستفيدين كثير ..




الفاونديشين الثاني Loreal " Magic nude liquid powder" foundation ..






لوريال اعرفه قبل ريميل وكثير اشوف يوتيوبر 
يستخدمونه بعد احسه شيء جديد على لوريال راح تنصدمي من شكل العلبه مرا صغيرر بس شكله با الصور والفديو كأنه كبير يعني اكبر من حجم يدك وشكل العلبه حلو لكن السيئ فيها انها قزاز اي طيحه يروح عليك الاساس والاسوء انه سايل زي المويا لو خضيتي العلبه تقدري تسمعي صوته مثل الماء بس م انكر جمال المحتوى "الفاونديشين" با التغطيه و الثبات ويعطي إشراقه لوجهك م كأنك حاطه اساس بس يعطي تغطيه كامله ولا تحتاجي بودرا الا تحت العين فقط تقيمه مية على مية .. 

الصورا من مدونة "






فرش سيقما "F80 Flat kabuki"













كنت بحاجه لفرشة كبيرا وبف وتعطي فل كفر وسهله بتوزيع الفاونيدشين بخمس دقايق ونجحت سيقما بأقناعي انها الافضل ، الان مجموعة ريل تاكنيك م عجبتني ابداً بتوزيع الفاونديشين على كامل الوجه والرقبه مثلاً لو رايحه مناسبه او جمعه كبيرا ابي الفاونديشين يبان فل كفر وموزع بشكل نظيف اما الفرش الصغيرا وبا الاخص فرشة ريل تاكنيك م عجبتني بها الشي تاخذ وقت على م توزعين الكريم وتحتاجين ثلاث ضغطات من علبة الكريم اساس إلى م يبان وغير كذا الرقبه تبين فرشة كبير للفاونيدشين حتى يتوزع مضبوط الفرشه الصغيرا مرا تاخذ وقت لكن الفلات كابوكي عجبني توزيعها م ادري يمكن عشاتها فلات يعني متساي شعر الفرشة وكثيف الشعر فيها وتحسينها مضغوطه ف م في مجال تشرب الفاونديشين إذا حطيتيه خصوصا ان يعجبني تصميم الفرشه احسها فخمه وعملية جدا با الاستخدام وأنا عن نفسي رسميه جداً م احب الالوان والبهرجه الا إذا احتجت شوية ريفرش با الحياة ههههه ..




"الفرشة الزهرية الصغيرا هدية من سيقما للآي لاينير وحجمها صغيرة  عشان تقدري تاخذيها معك "





فرشة سيقما "E57 Firm shader "






هي فرشة لتوزيع الاي شادو على الجفن المتحرك ممتازة وحتى تنفع لتوزيع الاي شادو او دمج الكحل الجفن السفلي الاني احب السموكي أيز ف دائماً اسوي ها الطريقه وتحسين شعر الفرشه وانتي توزعين الاي شادو قاسي من كثر م الشعر مضغوط فيها .. المقصود انها م تنثر الاي شادو تحت عيونك لو اخذتيه كمية بسيطه من الاي شادو ولا تحسين بشعر الفرشه ينفرد على جفنك ابداً اتوقع كل فرشهم كيذا وهذا سبب نجاحهم لكن تقيمه عشرا على عشرا





Lorac pro palette ❤️.. 







Lorac Pro Swatches ..





كنت اقرا عنه مدح كثير وقلت لازم اجربه عشان اشوف بنفسي وفعلاً عليه الكلام هذا غير البرايمر اللي معاه ممتاز في تثبيت الأي شادو يمكن يقعد لك 5 ساعات والباليت جميل و ألوانه كلاسيك بعضهم فيهم شيمير وبعضهم لا . وعن نفسي الوانه هي ذوقي فعلاً احب درجات البني الباهته والغامقه ودرجات الوردي الفاتحه اللي فيهم شيمير بس ثلاث ألوان احس الوانه تقدرين تحطين منه وانتي رايحه العمل من الفواتح طبعاً وتقدري للسهرات من الوان البني الغامقه لو انتي من عشاق السموكي شوكليت أيز مثلي .. تقيميه عشرا على عشرا









جل الحواجب من  Anastasia Beverly Hills




جميله الماركه وجداً تناسب للحواجب الخفيفه تعطي منظر طبيعي خاصه ان الوانها طبيعيه ..




وتعطي منظر كأن اللي راسمتهم حواجبك ، لكني م توفقت فيهم الان يدي ماخذه او  متعودا على البودرا بسرعا تنتثر على حواجبي بس امررها با الشكل اللي ابي اما الجل شوي في دقة وصعوبه با الرسم بنسبة لي المنتج جميل وجالسه اتعلم عليه وان شاءالله اتقنه والفرشة حقته هم جهتين ان اتكلم عن جهة فرشة 
الحواجب قبل الرسم احب افرش فيها حواجبي وعلى فكرا احنا كثير نستهين فيها ونقول مب لازم بس هي اللي تخلق لك حواجب ثانيه إذا فرشتي حواجبك قبل الرسم تعطيك حجم اكبر وشعر حواجبك إذا فرشتيه على فوق يعطي منظر جميل وكأنهم طبيعيات كيذا اما اللي ارسم فيهم جداً م عجبتني وحجمها صغير بزيادة أنا احب اعرض شوي حواجبي ف م ناسبتني ابداً أنا استخدم فرشة ذا بودي شوب اعرض منها مرتين واسمك منها بعد وبما أني م اعرف للجل استخدم البودرا وكل شيء وبعدها عشان الجل تبع انستازيا اغمق من البودرة البنيه اللي استخدمها احدد الرسمه من تحت با الجل من الزاويه وبعدين افرشهم عشان تندمج الالوان مع بعض و تصير أتش دي حواجبك و كأن رسمتها حقيقيه عنجد جربوها ..




 قلم العيون من "Rimmel london " 




جربته على المكياج الناعم مثل م كنت متخيلته بيصير ألبق على الميك أب الخفيف جداً مع الرموش الكثيفه بس ابدا م حبيته علي م عجبني خاصه لونه مايل كثير للأبيض و واضح أين حاطته أنا ابي القلم داخل العين بيج نفس درجة العين بدرجه زيادة مب واضح ويبين أني حاطته لكن اكيد مب من سوء المنتج كل احد يختار الاشياء اللب تناسبه قبل لا تعجبه والمنتج ممتاز وممكن يناسب احد عينه اكبر او بشرة افتح.. ومن تجربتي ينفع كثير للمكياج البرونزي ❤️



Matt lip stick from "inglot 411 "❤️




كنت محتاجه ارواج جافه وجميلة ولا اعرف غير عشقي الوحيد انقلوت دائماً يبهروني بألوان الارواج المات عندهم وتجي على شكلين المات زي القلم و روج عادي والالون اخخ ي الوانه فريش ولذيذة وريحته حلوا الستيك عموماً م كنت بحاجه لشي لمن دخلت المحل بصراحه ولفت نظري الوان الباهته اللي عندهم واتفرج عليهم واحد واحد واسوي سويتش على يدي وأغرمت في اللون ..




وشكل الخارجي للروج يغري تلمع العلبة والغطاء تبع الروج المهم انه جميل للي يحبون ألارواج الباهته او الالوان المايله على الرصاصي وراجعة لهم بأذن الله نزلت عندهم مجموعات الربيع والوان كريمية قوية ..




بلشر برونزي من Inglot powder pressed 62  ❤️






وبجنب الاروج شفت بودرات مضغوطه وتعليبهم جميل جربت على يدي اغمق لون "برونزي" بين معي جميل ونفس اللي ادور عنه اول واحد جربته كان فيه لمعه قويه بس با الشكل المقبول ، وينفع كثير للمناسبات الكبيرة .. و قلت للبائعه ابغى نفس اللون لكن بدون لمعة وقالت فية لكن بودرة عاديه وقلت لها اقدر استخدمها مثل البلشر قالت لي كل اللي يجون يطلبونها يستخدمونها بلشر  وبعد م جربته نفس الدرجة اللي ادور عنها





 جربت تقريباً نفس اللون من براند ثاني نفس  الثبات ودرجة اللون من ماركة ميك أب فورأيفير سيئة جداً في التعليب الانها انكسرت علي من بعد فترة بسيطه من أستخدامها و سعرها غالي م يستاهله والعلبه حجمها صغير مرا لكن محتواها تقريباً نفس منتج انقلوت لكن الفرق بين بلشر البرونز من ميك اب فور ايفر و انقلوت انه ثباته قوي ،  ولونه أجمل على خوخي ساطع والتعليب اجمل ويجي معاه بنفس العلبه مرأيه وفخمة تنفع تحطيها معاك ب الشنطة ، الكمية باين كبيرة مش من النوع اللي يجيك مضغوط لكن كمية بسيطة ، اما ميك اب فورايفير صغير مرا حجمها نفس حجم الاي شادوهات بماك وتعليبها اكثر من سيئ لكن انصحكم تجربونها جميله تعطيك لوك مخملي وحلو .. 


"نتيجة مشابه للبلشر على المغنية Rihanna " 

تعليقات

إرسال تعليق

المشاركات الشائعة