مشترياتي لشهر فبراير 2014

السلام عليكم ي حلوين اشتقت للتدوين 

اخيراً قررت انزل ريڤيو الكسل ذابحني والعمل فوق كذا جداً ماخذ وقتي لكن بحاول انزل موضوعين ورا بعض بآذن الله الآن مشترياتي  موجودة بس تستنى تصوير وتعديلات .. 

الاشياء اللي شريتها ها الشهر بعضها اونلاين طلبتها والبعض من الصيدليه و آخذت اللي كنت محتاجه غسول ينظف الوجة من الدهون ويزيل الشوائب والرؤوس السوداء وآشياء استعملها با الروتين اليومي يعني متعوده كل شهر آشتريهم  وفرش وآي شادوز .. 

 

نبدأ ب " Skin Care " .. 

طبعاً اللي مالي غنى عنه ولا آعيش دونه كل شهر موجود بتسريحتي bio derma لازم نستخدم شي لطيف على البشرة ولا هو مركز جداً وللبشرة الحساسه وتكلمت عنه بمدونتي السابقه ، ومعاه القطن المربعات احبها مرا كبيرا القطنه وتكفي لكل الوجه واحياناً استخدمها مرتين ب اليوم الانها جهتين ومتينه القطنه . 

مقشر اليومي والمرطب من "Clean & Clear " صديق بشرة المراهقات .. 

كنت ادور على شي ينظف بشرتي من بعد ارهاق الدوام والدهون والشوائب والروؤس السوداء وسئلت صديقاتي عنه وفعلاً نفس الكلام اللي عليه بدون زيادة او نقصان وفعلاً ماركة كلين للمراهقات وصحيح كل منتجاتهم حل لجميع مشاكل بشرة المراهقات ب الذات .. عموما. المقشر حسيني ب الاحساس اللي انا ادور عليه بدون مبالغه من بعد م اوزعه على كامل وجهي ورقبتي الحبوب الصغيرا اللي فيه تخليك تحسين بشرتك فريش وخاليه عن اي رواسب يسببها المكياج و آغسل بعدها بماء بارد الان المقشرات با العادة تفتح المسامات ف لازم الماء البارد بعدها يقفل المسام .. 

وطبعاً ها المقشر من زمان موجود بدون اي تطوير فيه اي شي الاني كنت استخدمه بعمر ال 17 ولا كان فيني اي روؤس سوداء كنت اعتقد ها الشيئ وسبب لي جفاف الانه م ناسبني ابد وتركته وهو بعد خالي من الرغوة ف زاد الجفاف وسبب لي قشور فا الوجه لكن اللحين حالة بشرتي جدا مناسبه لها المقشر اليومي وسعيدة مرا بآستخدامه بعمر ال 21 ..

مرطب Clean &clear  .. 

كريم مرطب ترطيبه ممتاز وانا م اكثر منه بطرف الاصبع و اوزعه على كامل وجهي ورقبتي الان بشرتي دهنية احسها تتفاعل مع المرطبات وتزيد الدهون كل م كثرت مرطب .. عموماً حسيت خفت الحبوب نسبة 40% واول م احطه بعد المقشر اليومي تحسين بآن تفاعله مع البشرة زي النعناع تحسينه ببشرتك م اعرف كيف اوصف بس جربوه جدا حلو وهو يمنع ظهور البثور وهذا اللي حبيته فيه غير أنه مرطب يومي .. 

مرطب الشفايف من لا ليبو .. 

مجددين الشكل ل علبة مدورا بنكهة الكرز او التوت اخذته من التميمي كان عندي منه روج تفتحينه وتحطين منه اما هذا ،بآصبعك توزعينه على شفايفك كلهم بنفس النكهة اللي اخذتهم لكن الروج افضل بكثير فيه قلوس وردي فاتح وترطيبه قوي اما العلبه ابداً م حبيتها م لها اي تآثير .. 

با الشكل الجديد .. 

الجيلاتين.. 

طبعاً مستغربين أني شريت الجيلاتين وحطيتها بقائمه السكين كير .. اخذته من التميمي و موجود بأي سوبر ماركت تلقينه قسم الحلويات واشياء حقت الكيك وذا .. بجنب الجلي تلقينه لكن بقول لكم لأيش استخدمه كقناع للوجة والرقبه مب طبيعي بتنظيف البشرة يشيل لك كل الوسخ والشوائب والشعر الصغار من على الأنف او عند الدقن ابداً مب طبيعي اول استخدام لي وان شاءالله للأبد استخدمه واستغني عن الصالونات حتى لو بشرتك تلق نظافه جربيه وبتشوفين وسخ تستغربين من وين جا كل اسبوع سوي الماسك الى م تحسين بشرتك نظفت .. 

اما فوائد الجيلاتين 

يعرف في تجديد البشرة وشد البشرة وازاله الروؤس السوداء ويقي بشرتك من التجاعيد وجميع علامات التقدم با السن وله فوائد عده بس انا كتبت اللي يخص البشرة ..  وكثير بنات سألوني عن شي يناسب الاثار انصحهم بها الماسك 

وبتلاحظين من اول يوم تسوين الماسك بفرق كبير ومع الاستمرار راح تحصلين اللي تبين ..

المكونات اللي تحتاجينها .. 

الجيلاتين طبعاً ويفضل يكون من منتج "Davis gelatine " بداخله مغلفات والمغلف الواحد يكفيك تماماً احسن من علبه الجيلاتين اللي انتي تحددين مقداره با الملعقه ، المغلفات محددة الكمية وافضل لك .. 

بحجم ملعقة متوسطة الحجم / حليب 

وثلجة + شاش ملفوف على الثلجة 

الجيلاتين تحطينه بوعاء صغير وتضيفين له ملعقة الحليب وتخلطينها بتصير لك معجونة شوي وثقيلة ب الخلط 

ومن بعدها تحطينه ب الميكرويف لمدة عشر ثواني بس وتطلعينه ، بيصير لك سايل تخلينه يبرد مدة دقيقة وتحطينه على المناطق اللي تحسين فيها آثار او الروؤس سوداء من الجبهه او الرقبه او الانف بعد او على كامل وجهك امتداد للرقبة 

وتخلينها الى م تجف مرا وتشيلينها وشوفي الوساخة 

اللي بتطلع.لك ،بتتقرفين وبنفس الوقت تفرحين بنظافة ونضارة بشرتك وهاذي صور لنتائج الماسك معي 

تصوير جوالي اعتذر على عدم وضوحها ..

تقدرون تشوفون اشياء صغيره بارزة زي الشعر هذا وسخ من المسامات .. 

وبعدها مرري الثلجة على كامل الوجه عشان الحليب يفتح المسام والماء البارد يقفلها وبعد تمرير الثلجة غسلي وجهك بماء بارد ، وحطي كريمك المرطب وشوفي الانتعاش اللي بتحسين فيه ...  .. 

Make up .. "Real Techniques brushes" 

اول مرا اجربهم مرا حبيتهم و طلبتهم من آمازون ' اولاً فرش الفاونيشين والكونسيلير جداً ممتازة بتوزيع الاساس بنعومة على وجهك تحسين لمن تمررينها على وجهك زي المساج الخفيف مرا انبسط لمن اوزع الفاونديشين على وجهي .... 

راح اشرح لكم بتفصيل عن كل فرشة وميزتها 

الفرشة الاولى من اليسار : 

استخدمها لتوزيع الفاونديشين جداً ناعمه ومريحه لتحت العين وعلى الجفن ابداً صرت م احتاج اضغط ضغطتين من الفاونديشين عشان اوزعه مرا وحده والفرشة تآدي دورها بتسويته على كامل الوجه الرقبة .. 

الفرش الثانية من اليسار : 

دائماً اخذها معي ب الشنطه لتوزيع البودرة المضغوطه تحت العين الاني م اكثر بودره على كامل وجهي احب بس على المناطق الدهنية وحجمها ممتاز للشنطة وبالأخص للموظفات اللي يحتاجون فريش ميك أب كل ساعتين .. 

الفرشة الثالثه من اليسار :

هي للكونسيلر تحت العين من شكلها لكن انا استخدمها للكنتور حادة وتنفع لتحديد الوجنتين والآنف جربتها ممتازة ..  

الفرشة الرابعة من اليسار: 

استخدمها للكونسيلر على الاثار او للي يعانون من الروؤس السوداء اذا تحبين تخففينها تماماً تستخدمين ها الفرشة بس تحطين على الاثر من الكونسيلر درجة غامقة ، بشوي من الاساس من بعد توزيع الفاونديشين طبعاً وطبطبين عليه ب البودرة .. 

الجهة  اليمنى 

الفرشة "البليندينق" الاولى من اليمين : 

استخدمها لتوزيع الآي شادو او التخفيف من حدته 

الفرشة " أبراز الزاوية" الثانية : 

استخدمها لتوزيع الآي شادو على الجفن المتحرك وعلى زاويه العين.. 

الفرشة " ابراز العين" الثالثه من اليمين :

للجفن الثابت وتحت عظمة الحاجب .. 

والآخيرتين الثنتين م استخدمهم بصراحة واذا جربتهم راح اشاركم الموضوع .. 

Eyes'shadow  "SLEEK .. " 

حبيت ها المنتج وقعت في غرامه اسم الباليت  "au naturel " الوانه نفس اللي ادور علية با الحياة وثباته و الجليتر فيه اعجز عن التعبير مع ها المنتج الالوان السموكي البني والاسود جداً مناسب للسهرات ، الجليتر فيهم يسطل وممتاز لعشاق السموكي .. والسواتش راح انزله على التويتر @Deema_Glam,  وآخذته من موقع آمازون ... 

وهذا رابط لكيفية استخدام الباليت بأحتراف  "au naturel " 😍

http://tanjalovesmakeup.blogspot.com/2011/10/eotdtutorialswatches-sleek-au-naturel.html?m=1

Clinique " High Impact Mascara" .. 

ماسكارا  ممتازة للي يعانون من مشكلة الرموش 

القصيرا و اللي بنفس الوقت تخاف من استخدام ماسكارا تأذي رموشها زيادة ويطيحون ويخفون زيادة .. لكن اللي تبي تحافظ عليهم بمنتج يكثف ويطول ولا يأذي الرموش ، كلينك الحل الأمثل ...  طلبتها من آمازون 

Review for "high impact " 

 

غسول الفم من "SENSODYNE"

منعش من بعد م تفرشين اسنانك بنكهة النعناع الخفيفه وطعمه مقبول مب قوي ، احبه لنأكيد النظافه وهو للآسنان الحساسه يقاوم التسوس ويقوي الاسنان ويرطب النفس و بيرفكت للصباح انصحكم فيه ..  اخذته من التميمي 

وآخيرا زيت الشعر من "LORIAL" 

اخذته من الدانوب يستخدم بعد غسيل الشعر او اثناء م يكون شعرك جاف للترطيب واضافه اللمعان ، حبيته لكن م تحسين انه يعالج مشكله الجفاف بنفس اللحظه بس يضيف المعان وبس .. 

آستقبل اقتراحاتكم لتطوير المدونه ..

Deema_Glam@hotmail.com